নীলাবোৰৰ কথা

পুৰন্দ গগৈ
আকাশখন সাগৰৰ দৰে
সেয়েহে সাগৰখনো আকাশ

নীলাবোৰ আকাশখনৰ দুখ
সাগৰখনৰ মাজত ৰিণিকি ৰিণিকি
ভাঁহি আহে নীলাবোৰৰ গভীৰতা
ঢৌ বোৰৰ মাজত জলকুঁৱৰীৰ
অবুজ বিননি
একোকে নুবুজে সাগৰখনে
কাৰণ সাগৰে নিজেই নামানে
নিজৰ প্ৰতিশ্ৰুতি
মানুহবোৰ যে নীলাৰেই সন্তান
সেয়ে পৃথিৱীত নীলা হোৱাৰ প্ৰতিযোগিতা
আনকি চন্দ্ৰটো
তথাপিও মানুহবোৰে  নুবুজে
 নীলাবোৰৰ সঠিক পৰিচয়
সেয়েহে  চাগৈ  মানুহে
নীলা হ’ব খুজিও নীলাক বেয়া পায়৷
ফোনঃ ৯৮৫৯৪৪৬১২২